Во врска со поплавите предизвикани од монсунски дождови во Пакистан, кои предизвикаа големи материјални штети и човечки загуби, Црвениот крст на Република Македонија се приклучува кон прелиминарниот Апел објавен од страна на Меѓународната федерација на Црвениот крст и Црвената полумесечина за помош на настраданото население во Пакистан во висина од 17.000.000 CHF.

Долгогодишната плодна соработка со Германскиот црвен крст на Баден Виртемберг се потврди и во оваа пригода со донација во вредност од 23.000 евра за реализирање на  хуманирани цели на Црвениот крст на Република Македонија.

Помошта се состои од болнички кревети, инвалидски колички, медицинска опрема и истата Црвениот крст ќе ја дистрибуира за потребите на здрваствени институции во Македонија.

Европскиот натпревар по прва помош е дел од Европската Конвенција за прва помош (First Aid Convention in Europe - FACE) и претставува годишен натпревар од едукативно-промотивен карактер на кој екипите по прва помош од Европските национални друштва ги покажуваат своите знаења и вештини во давањето на прва помош.

Во периодот од 08-11 јули 2010 година во Белград, Србија се одржа 24-тиот Европски натпревар по прва помош на кој Црвен крст на РМ го претставуваше екипата од Црвен крст Центар, победничка на минатогодишниот Државен натпревар по прва помош. Натпреварот се одржа на 10 јули 2010 год. на Калемегдан и се состоеше од 28 полигони од кои 9 за прва помош, 9 забавно-едукативни полигони и 10 места за одмор.